"遲到"是我深惡痛絕的缺德所為，凡是有超過一次遲到紀錄、而每次又遲到超過10分鐘的人都會被我列入為"慣性遲到犯"。

遲到的根本原因可分為兩類:

(一) 頭腦問題

• 無時間觀念 (這類人跟本不知道自己遲到)
• 無記性，經常忘記約會時間 (7 點? 不是 7 點半嗎?)

(二) 性格問題

• 自私，寧願別人等自己，自己的時間比他人的時間寶貴 (我嚟之前要先去邊邊度、同做咩咩先)
• 自以為是，喜歡扮大牌，享受萬眾期待、隆重登場的感覺 (要大家等我一個真係唔好意思喎)
• 輕率，答應約會前不考慮自己能否準時應約 (老闆突然話要我做咩咩咩、外面好塞車、我唔識路)
• 虛偽，根本不想應約，但又要應承 (唔好等我，到左我會call你哋)

對付上述人士，有何對策?

• 無時間觀念 (唔好當佢係人，因為只有人類先識量度時間)
• 無記性，經常忘記約會時間 (唔洗預先約佢，每次淨係叫佢即刻嚟)
• 自私，寧願別人等自己，自己的時間比他人的時間寶貴 (約早佢兩個鐘，call爆佢機叫佢報告去到邊度)
• 自以為是，喜歡扮大牌，享受萬眾期待、隆重登場的感覺 (人多、係高檔場所嘅聚會唔好叫佢)
• 輕率，答應約會前不考慮自己能否準時應約 (之前打電話、email、SMS不斷要佢confirm，煩爆佢)
• 虛偽，根本不想應約，但又要應承 (老襯只做一次，下次無交易，以後唔預佢)